Levr

[...] N'eo nag ar gwrizioù nag an hengoun zo kaoz d'an dastumad mañ. Ar c'hoant ne lavaromp ket. Atav o deus klasket tud Al Liamm reiñ bod d'ar skrivagnerien vrezhonek ha laosker anezhon en o frankiz. N'eo ket amañ labour ur skol pe un emsav lennegel savet en desped d'an dud pe hep gouzout dezho. Choazet hon eus sevel un dastumad tro d'un danvez, un trivliad, ... An anken, da gregiñ ganti. Perak an anken ? Klevout a reomp c'hoazh paotred o "gwrizioù don" o lavaret ez eo aze un danvez breton. Ha re wir eo boaz ar Vretoned ouzh lennegezh an anken, maget a-gozh mard int bet gant gwerzhioù skrijus ha kanaouennoù war follennoù-distag da gontañ gwalleurioù ar c'horn-bro hag ar bed-holl. Met laosket hon eus ar penaoz hag ar perag d'an doktored ha d'an istourourien. Ur wech graet hor soñj ganeomp n'hon doa bet nemet lenn Al Liamm d'ober ha diskoachañ danevelloù deus ar re skrijusañ e pajennoù ar gelaouenn.

[...] Kaeroc'h a zo en dro-mann p'emaomp gant ul levr... da selaou. Perak lenn levrioù d'an dud er gevredigezh a hiziv ? D'ar re na ouzont ket lenn, d'an dud dall da c'hellout kaout o gwalc'h a lennegezh e-giz ar re all. Ha pelloc'h c'hoazh, da gement hini ac'hanomp da c'hellout lenn er c'harr-boutin, en tren, en e garr-tan, er straed... Sed aze perzhioù gwellañ al levrioù da selaou. Ha d'ar re a vez o teskiñ ar yezh hag a gav, siwazh, muioc'h a dud da gavout abeg en o brezhoneg diasur eget da sikour anezho da vont war-raok e talvezo al levrioù da selaou da glevout brezhoneg bev ! Mar gellomp reiñ plijadur d'un nebeut lennerien ha kemend-all a selaouerien hon devo kaset labour brav da benn ha n'eo ket koll o amzer o devo graet ar Rederien evit ar brezhoneg hag o deus sikouret ar raktres-mañ hag un toullad reoù all. (Hervez an diverradenn war gein al levr).

Descriptoren : Skrij / Spont

Aantal exemplaren : 2 (KDSK Gwened - KDSK Bro-Naoned)

Exemplaren