Levr

Boemet eo Erin gant mojenn ar Roc'h Zu.
Ur roc'h divent, teñval ha lemm, brudet da zistrujañ an holl vigi a dosta outi ! Ha gwir eo an istorioù a vez kontet ?
Un devezh, evit gouzout hiroc'h, e pign Erin e bag pesketa he mamm...

[Diouzh golo al levr]
____________
Gant Joe TODD-STANTON eo bet savet al levr brav-mañ, ur paotr yaouank a orin eus Brighton (Bro-Saoz) hag a ra tresadennoù hag istorioù brav-tre. E levr « Juluan hag al louarn » (« A Mouse called Julian ») a zo bet embannet gant TIMILENN e 2020 dija, ha c'hoant hon eus bet labourat adarre war ul levr savet gantañ.

Evel evit « Juluan hag al louarn » omp bet plijet gant istor « Sekred ar Roc'h Zu », a gont un istor plijus, liammet d'un dudenn ha d'e endro tost. Ar wech-mañ e heuliomp troioù-kaer Erin. Mamm Erin a zo peskaeterez, ha kaset e vimp neuze kaset war vor evit dizoleiñ kalz traoù dreistordinal... Tresadennoù Joe TODD-STANTON a zo atav ken brav ha gant kalz munudoù, gant kalz livioù hag un donezon splann evit tresañ loened, da skouer. An istor brav-se a ra al liamm ivez gant stourmoù ekologel ha goulennoù liammet d'an endro. Plijout a raio d'ar vugale adalek 5-6 vloaz, ha d'an dud deuet ivez.

Gant ar gevredigezh TIMILENN  staliet e Bro-Naoned eo bet prenet ar gwirioù evit treiñ al levr-mañ. Klotañ a ra al levr gant pal ar gevredigezh, da lâret eo reiñ c'hoant da lenn d'an holl vugale, koulz reoù gant diaesterioù lenn (disleksiezh da skouer) pe get : moullet eo war baper nann-lufrus, ar skritur dibabet a zo aes ha bras a-walc'h, kement skeudenn a glot mat gant an destenn, etrelinennoù bras a zo...

Moullet eo bet al levr e Breizh gant Cloître, war baper brav ha gant ur golo kartoñs solud hag a-galite.

Deskriverioù : Loen-mor / Endro / Gwarez an endro / Ekologiezh ar mor

URL : http://www.timilenn.wordpress.com

Niver moullet : 400 skouerenn
Embann. Kentañ : Timilenn, 2020

Nbre d'exemplaires : 2 (KDSK Bro-Naoned - KDSK Bro-Naoned)

Exemplaires